450 mijë persona të zhytur në kredi

Vendi i ka të punësuar vetëm 300 mijë persona. Kosova i ka rreth 300 mijë veta të punësuar, diku rreth 83 mijë veta në sektorin publik, por numri i atyre që kanë marrë kredi nëpër bankat komerciale është diku rreth 450 mijë veta – shkruan Kosova Sot.

Sipas ekspertëve, kjo është një shenjë e varfërisë së popullit të Kosovës, i cili është zhytur në kredi me kamata të larta.

Ekspertët e ekonomisë dhe ata të fushës së financave thonë se këto shifra paraqesin gjendjen e vështirë të popullatës, e cila është e detyruar të marrë kredi madje edhe pa qenë fare e punësuar, duke ofruar hipoteka.