28-vjeçarja shqiptare goditet nga një motoçikletë në Itali
RajoniPress
08:05, 22 Janar, 2023
Raportohet se një 28-vjeçare shqiptare është goditur nga një motoçikletë gjatë në Itali, përcjell albinfo.ch.
Referuar medieve italiane, e reja shqiptare, përveçse është përplasur, më pas është grabitur nga drejtuesi i motorit.
Ngjarja ka ndodhur rreth orës 16:30, në Porta Nuova të Milanos, shkruan topchanel.
28-vjeçarja po lëvizte me biçikletë kur u godit nga motori, që e rrëzoi përtokë. Në atë moment, drejtuesi zbriti, iu afrua dhe i mori çantën ku ajo mbante dy telefonë dhe portofolin, e më pas u largua menjëherë nga vendngjarja.
Fatmirësisht e reja mësohet se nuk pësoi dëmtime serioze dhe ishte ajo që i tregoi gjithë ngjarjen karabinierëve. Ata kanë sekuestruar edhe kamerat në zonë me qëllim identifikimin dhe kapjen e autorit.
