27 milionë euro u janë konfiskuar zyrtarëve qeveritarë për 6 muaj

Shqipdon Fazliu, Koordinator Kombëtar për luftimin e krimit ekonomik, ka thënë se në periudhën janar-qershor 2014 , janë sekuestruar pasuri në vlerë prej 27 milionë eurosh.

“Bëhet fjalë për 365 mijë euro para të ngrira, 7 shtëpi, paluejtshmëri 38 hektarë tokë, 17 baneda, 2 objekte ndërtimore, një motel, 9 vetura , 6 lokale afariste, lojëra të fatit, makineri të ndryshme, fabrikë, klinikë, restoran. Pra kemi të bëjmë me sekuestrim që do të thotë përkohësisht deri në vendimin e gjykatës”, ka thënë Fazliu në emisionin “Puls” të KTV’së.

Fazliu ka treguar se në bazë të analistave nga ekspertët ndërkombëtar, shpërlarja e parave po bëhet nga ndërtimet.