250 të rinj gjilanas aderojnë në AKR

Gjilan – Forumi Rinor i AKR-së, me kryetar Aid Berisha të shtunën mbajti konventën punuese, në prani të mbi 300 të rinj, ku 250 prej tyre aderuan në AKR.

Këtë konventë e hapi udhëheqësi i kësaj konvente Arianit Ibrahimi, njëherish ish kryetari i Forumit Rinor, dega në Gjilan, i cili tha që me këtë konventë dëshmojmë që fuqia e një partie politike matet me suksesin dhe rininë që ka pas vetit, me këtë numër që është sot në sallë tregojmë qartë se Gjilani ka qenë dhe është shtylla kryesore e AKR-së.

Këtë konventë e përshëndeti koordinatori i nivelit qendror të procesit zgjedhor Vesel Makolli i cili duke përshëndetur të rinjtë në emër të AKR-së dhe Presidentit Behgjet Pacolli, potencoj që Rinia duhet të jetë e lumtur sepse për të ekziston AKR-ja dhe Presidenti Behgjet Pacolli, i cili po punon me përkushtim të madh në kthimin e dinjitetit të kësaj rinie.

“Aleanca Kosova e Re, ka ekspertizën e nevojshme që të identifikoj dhe zgjidhë problemet e të rinjve, poashtu si parti me vlera liberale është mundësia me e mirë që një i ri të zhvillohet politikisht dhe t’i shërbejë komunitetit dhe vendit” tha Koordinatori i nivelit qendror të Forumit Rinor të AKR-së Sami Boroci.

Këtë konventë e përshëndeti dhe i premtoj mbështetje të pa rezervë koordinatori i AKR-së në Gjilan Ismet Hajdini, i cili deklaroj që Rinia e Gjilanit ka traditë të mirë të organizimit. “AKR-ja është e hapur për çdo të ri dhe se të rinjtë me aderimin e tyre në AKR kanë zgjedhë subjektin më serioz në krye me humanistin dhe njeriun më meritor për të udhëhequr me vendin”.

Pjesë e kësaj konvente ishte dhe koordinatorja e forumit të gruas në nivel qendror Mirlindë Gashi, Monitoruesi i procesit zgjedhor të AKR-së Tefik Ibrahimi, Zijadin Geci e Durim Neziri nga grupi i koordinimit për rini në nivel qendror etj./rajonipress/