25 mijë euro për OJQ-të e Kamenicës

Gjilan – Kryetari i komunës së Kamenicës Shaip Surdulli, ka mbajtur një takim të përbashkët me përfaqësues të organizatave jo-qeveritare të cilat janë përfituese të projekteve të financuara nga buxheti komunal i Kamenicës, në vlerë prej 25.000 euro.

Kryetari i komunës dhe përfaqësuesit e organizatave jo-qeveritare kanë nënshkruar marrëveshjet për bashkëpunim.

Nga 27 projekte konkurruese, 11 prej tyre kanë përfituar këtë financim apo përkrahje nga Komuna e Kamenicës. Këto projekte janë përzgjedhur nga lëmi dhe fusha të ndryshme.

Në këtë takim është biseduar edhe për mënyrën se si të implementohen këto projekte. Kryetari Surdulli uroi gjithë përfituesit dhe njëherit i porositi ata që projektet të cilat janë planifikuar të realizohen sipas planit të paraparë.

25 mijë euro të ndara nga buxheti i paraparë për këto projekte prej tyre 5 mijë euro ishte maksimumi i përfitimit për 1 projekt. Surdulli u tha atyre se është e vërtetë se kjo shumë është e vogël dhe jo e mjaftueshme për projekte të tilla, por ne kemi bërë një kalkulim më ndryshe që me këtë rast përfitues të jenë sa më shumë organizata jo-qeveritare sepse në rast se do t`i kishim ndarë këto mjete ashtu si është planifikuar do të përfitonin vetëm 5.

Përfaqësuesit e këtyre organizatave përfituese falënderuan Kryetarin e Komunës Shaip Surdulli për gatishmërinë dhe përkrahjen e treguar jo vetëm kësaj radhe , por edhe herëve tjera gjë që besojmë shumë se edhe në vitet e ardhme kjo përkrahje nuk do të mungojë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).