1942 gjoba të shqiptuara dhe 19 masa ndalimi për mjetet motorike

Gjilan – Me qëllim parandalimin e aksidenteve në trafik, me theks të veçantë të atyre me fatalitet, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, përdorni rripin e sigurisë në automjet.

Drejtoria Rajonale e Policisë Gjilan, Njësia Rajonale e Trafikut Rrugor dhe Stacionet Policore gjatë periudhës kohore 28.02.2025 – 06.03.2025 në vazhdën e implementimit të planeve operative kanë shqiptuar njëmijë e nëntëqind e dyzet e dy (1942) gjoba.
Gjatë kësaj periudhe në kuadër të këtyre planeve janë ndërmarr aktivitete edhe në:

• Hetim i shtatëmbëdhjetë (17) aksidenteve të trafikut me dëme materiale,
• Hetim i katërmbëdhjetë (14) aksidenteve të trafikut me të lënduar,
• Shqiptuar masa e ndalim drejtimit të mjeteve motorike për nëntëmbëdhjetë (19) ngasës.

Me qëllim parandalimin e aksidenteve në trafik, me theks të veçantë të atyre me fatalitet, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, përdorni rripin e sigurisë në automjet;

Në automjetin për udhëtarë/veturë dhe në mjetin transportues shoferi dhe të gjithë personat të cilët gjenden në mjet duhet t’i përdorin rripat e sigurisë!

Në rast përplasje, rripi i sigurisë ju pengon të hidheni nga automjeti!

Vendosja e rripit të sigurisë zvogëlon rrezikun e lëndimit apo vdekjes në rast aksidenti!

Nëse personi i mitur i cili transportohet në mjet nuk e përdor rripin e sigurisë, përgjegjësia bie mbi shoferin e mjetit i cili dënohet me gjobë prej dyqind (200) euro, masa mbrojtëse ndalim i të drejtuarit të mjetit me veprim motorik në kohëzgjatje prej tre (3) muaj, si dhe dy (2) pike negative!

Dënohet me gjobë prej njëqind e pesëdhjetë (150) euro, mos vendosje e rripit të sigurisë për të gjithë personat të cilët gjenden në mjetin i cili është në lëvizje njoftoi policia e Gjilanit./rajonipress/