150 pako ushqimore për jetimët e Gjilanit

Gjilan – Këshilli i Bashkësisë Islame në Gjilan nëpërmjet Shoqatës Humanitare “Bereqeti” dega në Gjilan, sot ka bërë shpërndarje e 150 pakove ushqimore për fëmijët jetim.

Ky aktivitet humanitar i radhës prej fillimit të muajit të ramazanit është enkas për fëmijët jetimë të cilët prej pasluftës ndihmohen vazhdimisht nga Bashkësia Islame.
Pakoja ushqimore të cilën sot e gëzuan jetimët përmban gjërat më elementare për përgatitjen e iftarit.

Vlen të theksohet se sot krahas pakos ushqimore ,këto familje janë ndihmuar edhe me nga 30 euro nga mjetet e tubuara nga mërgimtarët tanë në Zvicër të cilat i kishte sjellur Muhamed Ismajli me qëndrim në Dietikon (Zvicër).

Këshilli i Bashkësisë Islame në Gjilan para disa ditëve ka ndihmuar edhe 100 familje të tjera më gjendje të rëndë sociale./rajonipress/