150 familje jetime ndihmohen me nga një pako ushqimore

Gjilan – Shoqata humanitare Bereqeti në bashkëpunim me Bashkësinë Islame, dega në Gjilan ka shpërndarë 150 pako ushqimore për familjet me jetime të cilët janë të regjistruar me herët në këtë shoqatë tha Agim Hyseni.

Kjo pako ushqimore sipas Agim Hysenit përbehet nga gjërat më elementare për ushqim, si vaj, sheqer,oriz , makarona ,krip, miell, supë, pasul etj.

Hyseni tha se donator i kësaj ndihme në fillim të muajit të ramazanit ishte Shoqata humanitare “Bejtu Zekat” nga Kuvajti e cila me projektin e emërtuar “Iftaru Saim” , për agjëruesin po e benë këtë shpërndarje.

Kjo shoqatë ka në përkujdesje më shumë se 200 jetime nga komuna e Gjilanit të cilët ndihmohen materialisht për çdo muaj nga 20 euro tha Hyseni./rajonipress/