Një 15-vjeçar shqiptar është arrestuar nga karabinierët italianë, pasi akuzohet për marrëdhënie seksuale me dhunë.
Mediat italiane informojnë se shqiptari ka dhunuar seksualisht kujdestaren e një qendre riedukimi për të mitur, ku djali ndodhej pas një grabitje që kishte kryer në muajin gusht.
Ngjarja ka ndodhur në një zonë larg qendrës, pasi 15-vjeçari i kishte kërkuar kujdestares të realizonin një udhëtim në natyrë, raporton noa.
Por, sapo mbërritën në zonën malore dhe zbritën nga fugoni, djali u përpoq të joshte kujdestaren, por nisur nga refuzimi i saj, 15-vjeçari shqiptar ka përdorur dhunën dhe e ka sulmuar fizikisht.
Fillimisht e ka rrahuar dhe më pas i ka lidhur një rrip në qafë, duke e detyruar të kryente marrëdhënie seksuale në të njëjtin fugon me të cilin kishin udhëtuar.
Kujdestarja, në gjendje shoku sërish është rrahuar dhe kërcënuar nga i riu shqiptar që të mos tregonte në polici dhe më pas është detyruar të drejtojë automjetin dhe të rikthehej në qendrën e riedukimit.
Në këtë moment ata janë hasur me karabinierët, të cilët pasi mësuan ngjarjen u drejtuan për të kapur djalin, që mbante me vete një thikë.
Por, kur uniformat blu po përpiqeshin të arrestonin 15-vjeçarin, ky i fundit i cili dyshohet që ishte nën efektin e medikamenteve, ka tentuar t’i godasë me thikë, por është ndaluar.
Gjithashtu policia ka sekuestruar si prova materiale, rrobat e djalit dhe të kujdestares, të cilat janë gjetur në automjetin, ku janë kryer aktet e dhunës.
Ndërkohë që kujdestarja, viktimë e dhunës është dërguar menjëherë në spital për të marrë ndihmën e duhur mjekësore.
