15 milion euro në vit, për njerëz që nuk kanë bërë asgjë

Shumë diplomat me veprimtarinë e tyre e dëmtuan edhe më shumë imazhin e Kosovës në botë. Misione diplomatike të vendit u shndërruan në “çerdhe” punësimi për familjarët dhe militantët partiak, për të cilët buxheti i Kosovës ka ndarë plot 15 milion euro në vit.

Përfaqësuesit diplomatik jo veç që dështuan në vitin 2013 ta përmirësojnë imazhin e vendit në arenën ndërkombëtare, por disa probleme të tyre e rrënuan edhe më shumë këtë imazh të zbehtë që kishim, shkruan Zëri.

Madje disa prej këtyre diplomatëve që u dërguan si përfaqësues nëpër vendet e BE’së, as që dinë një fjalë të vetme të gjuhës angleze, e që është e domosdoshme.

Për krejt këto skandale, për çdo vit nga paraja e popullit merren plot 15 milionë euro.

Analistët mendojnë se krejt kjo bën që Ambasadorët e Kosovës, nuk e kanë një funksion të tillë, prej një ambasadori, por janë agjent turistikë nëpër vendet ku janë caktuar me detyrë.