12 aktakuza të ngritura dhe një person i ndaluar për dhunë në familje

Gjilan – Prokuroria Themelore e Gjilanit, gjatë 24 orëve të fundit, ka ndaluar një (1) person, në kohëzgjatje prej 48 orëve, si dhe ka ngritur dymbëdhjetë (12) aktakuza, kundër katërmbëdhjetë (14) personave, për vepra të ndryshme penale.

Ndalimet e personave me urdhër të prokurorit:
Prokuroria Themelore në Gjilan, në një rast të vetëm me urdhër të prokurorit të shtetit, ka ndaluar një (1) person në kohëzgjatje prej 48 orëve, i dyshuar për veprën penale “Dhuna në familje” nga neni 248, i Kodit Penal të Kosovës.
Aktakuzat:
Prokuroria Themelore në Gjilan, ka ngritur dymbëdhjetë (12) aktakuza, kundër katërmbëdhjetë (14) personave, për veprat penale, si në vijim:

Katër (4) aktakuza, kundër katër (4) personave, për veprën penale “Posedimi i paautorizuar i narkotikëve, substancave psikotrope ose analoge”,
Tri (3) aktakuza, kundër tre (3) personave, për veprën penale “Dhuna në familje”,
Një (1) aktakuzë, kundër një (1) personi, për veprën penale “Kanosja”
Një (1) aktakuzë, kundër një (1) personi, për veprën penale “Sulmi”,
Një (1) aktakuzë, kundër një (1) personi, për veprën penale “Lëndimi i lehtë trupor”,
Një (1) aktakuzë, kundër një (1) personi, për veprën penale “Lëndimi i rëndë trupor”,
Një (1) aktakuzë, kundër një (1) personi, për veprën penale “Vjedhja e rënde”./rajonipress/