RCCOLA

1000 mysafirë në dasmën e djalit të Agim Ramadanit

/ 2 minuta lexim

Gjilan – Në dasmën e Jeton Agim Ramadanit kanë marrë pjesë mbi 1000 mysafirë nga të gjitha trojet shqiptare. Ceremonia është zhvilluar në hallën e sporteve.

Djali i heroit kombëtarë Agim Ramadani, Jetoni është martuar me Flutura Hasanin në një ceremoni madhështore që është mbajtur në hallën e sporteve në Gjilan. Kjo ngjarje e rrallë për Gjilanin është mbajtur në prani të mbi 1000 mysafirëve nga të gjitha trojet shqiptare.

Fidanishtja

Në dasmën e qiftit Ramadani-Hasani kanë marrë pjesë strukturat më të larta politike e shtetërore duke filluar nga ish presidenti Fatmir Sejdiu,Isa Mustafa,Edita Tahiri,Rexhep Selimi,Ismet Beqiri,Adem Demaqi,Rifat Jashari, Qemajl Mustafa,Lutfi Haziri,Fatmir Rexhepi,Zenun Pajaziti, vëllai i Sali Berishës, si dhe të gjitha familjet e dëshmorëve.

Gjatë gjithë kohës kanë qëndruar ndezur 114 flakadan që kanë simbolizuar dëshmorët e Koshares.Ceremonia e dasmës është përcjellur edhe nga brigada 138 “Agim Ramadani”.
Dr.Jashar Ramadani vëllai i Agimit tha për Rajonipress se dasma ka qenë tejet madhështore meqë me pranin e tyre është nderuar edhe vepra dhe sakrifica e Agimit.”Ishte dasmë e bashkimit dhe e harmonizimit të aspiratave të të gjithë shqiptarëve” u shpreh Ramadani./rajonipress/