“Zyrtarja e ambasadës që i pret qytetaret në ambasadë me këmbët mbi tavoline» lajm i fabrikuar dhe i rrejshëm

Lajmi i publikuar ditë me parë në mediat tona me titull «Zyrtarja ambasadës që i pret qytetarët në ambasadë me këmbët mbi tavoline» është i rrejshëm.

Fotografia është e montuar dhe e bërë nga një koleg i zyrtares në fjalë për qëllime të ulëta personale.

Kjo është konfirmuar edhe nga burime tona të afërta me ambasadën e Kosovës në Zvicër.

Zyrtarja ka pasur sjellje korrekte me qytetarët tanë.

Zyrtarja në fjalë ka angazhuar një avokat i cili do të ndjekë procedurat ligjore të Zvicrës dhe ato ndërkombëtare për shpifje dhe denigrim moral të personalitetit të saj, e në veçanti ndaj një portali informativ në Kosovë.

I kontaktuar nga tung.ch, avokati Ridlibahuer ka shprehur habinë për lehtësinë me të cilën mediat në Kosovë plasojnë shpifje të tilla të pa verifikuara më parë duke publikuar lajme dhe fotografi të fabrikuara.

Ai thotë se mediat duhet të jenë të përgjegjshme dhe jo të bëhen pjesë e shpifjeve dhe akuzave të rrejshme duke bërë linçim publik të një personi të pafajshëm./tung.ch/