Zyrtarët financiar të Artanës trajnohen në Durrës

Gjilan – Një delegacion i zyrtarëve të Artanës i kryesuar nga Gani Mustafa ka marrë pjesë në një trajnim treditor në Durrës ku është folur për pikat e forta, përparësitë dhe dobësitë e zhvillimit ekonomik.

Delegacioni i zyrtarëve financiar nga Artana i udhëhequr nga Gani Mustafa drejtor për ekonomi dhe zhvillim, zyrtari financiar Driton Mustafa, Nazmije Bunjaku zyrtare e tatimit në pronë si dhe dy përfaqësuese nga bizneset në Novobërdë kanë marrë pjesë në Durrës në kuadër të projektit “Mbështetje për komunitetet pakicë gjatë dhe pas procesit të decentralizimit”, të financuar nga Ministria e Punëve të Jashtme të Finlandës.

“ECMI” nga Kosova ka organizuar një trajnim treditor mbi Zhvillimin Ekonomik Lokal, me fokus të veçantë në shkëmbimin e praktikave të mira në mes të pesë komunave rishtazi të krijuara (Graçanicës, Kllokotiti, Novobërdës me decentralizim e zgjeruar, Parteshit dhe Ranillugut) dhe ekspertëve të nivelit të lartë për çështje ekonomike.

Gani Mustafa tha se gjatë këtij trajnimi janë bërë prezantimet nga secila komunë për zhvillimin ekonomik lokal duke fokusuar pikat e forta-përparësitë, pikat e dobëta-dobësitë, mundësitë dhe kërcënimet.

Mustafa tha se është i kënaqur me nivelin e trajnimit i cili ka ofruar mundësin ne shkëmbimit të ideve dhe përvojave edhe me komunat e rajonit./rajonipress/