Zyrtare: Ujkani e konfirmon lajmin e fundit të UEFA-s

Kapiteni i Kosovës, Samir Ujkani edhe zyrtarisht ka njoftuar se ndeshja ndërmjet Kroacisë dhe Kosovës nuk do të zhvillohet nesër.

“Ndeshja është shtyrë. Ne synonim të vazhdonim por kroatët insistuan për jo. Frika ishte më shumë për lëndimet. Kështu që s’ka lojë dhe nesër UEFA vendos për datën e kësaj ndeshje”, ka thënë Ujkani.

“Ndeshja nuk luhet nesër, është shtyrë për një datë të pacaktuar. UEFA nesër pritet të marrë vendim se kur do të zhvillohet kjo ndeshje e anuluar”.

Gjyqtarët në bashkëpunim me zyrtarët e UEFA-s, kapitenët dhe trajnerët e të dy skuadrave kishin vendosur që të shtyhej ndeshja e sontme ndërmjet Kroacisë dhe Kosovës shkaku i shiut të vazhdueshëm.

Pas shqyrtimeve me të dy skuadrat, UEFA ka vendosur që vendimi se kur do të zhvillohet kjo ndeshje të merret nesër.

Deri në minutën e 23, ndeshja ishte e barabartë 0:0. /Express/