Zyrtare: Shqipëria në mars luan ndaj Bosnjës

Kombëtarja shqiptare ka zyrtarizuar një miqësore më 28 mars ndaj Bosnjës së Hercegovinës.

Lajmi është konfirmuar në faqen zyrtare të Federatës shqiptare të futbollit.

Në komunikatën e saj, Federata Shqiptare e Futbollit ka bërë të ditur gjithashtu se ndeshja mes Shqipërisë dhe Bosnjës do të luhet në stadiumin “Elbasan Arena”:

“Federata Shqiptare e Futbollit ka arritur akordin për ndeshjen miqësore për datën 28 mars, e cila është tashme zyrtare dhe e konfirmuar që do të luhet në “Elbasan Arena” kundër skuadrës përfaqësuese të Bosnjës. Kështu, pas takimit zyrtar me Italinë ne 24 mars në Palermo, Shqipëria do të shfrytëzoje edhe datën e dytë të lirë të UEFA-s, atë me 28 mars, ku skuadra e De Biasit do të prese në një takim miqësor Bosnjën. Gjithçka është zyrtare, dhe e konfirmuar. Kuqezinjtë do të përballen në një test miqësore me skuadrën e Edin Dzekos e shumë lojtareve të tjetër. Orari mbetet për t’u konfirmuar në ditët në vijim”, thuhet në njoftimin e FSHF-së.