Zyrtare: Shend Kelmendi prezantohet tek SC Gjilani

Shend Kelmendi është futbollisti më i ri i Gjilanit. Kelmendi sot është prezantuar në ambientet e klubit të SC Gjilan.

Lajmi për transferimin e Shend Kelmendit tashmë është konfirmuar edhe nga faqja zyrtare e klubit gjilanas, ku ka konfirmuar marrëveshjen me sulmuesin 25 vjeçar.
Marrëveshja me Kelmendin është e vlefshme për dy vitet e radhës, teksa llogaritet si një ardhje e bujshme në kampin ‘kuqebardh’.

Ky është njoftimi i plotë i klubit të SC Gjilan:

“Sport Club Gjilani njofton se ka arritur marrëveshje me futbollistin 25 vjeçar nga Prishtina, Shend Kelmendi. Kelmendi i cili kishte dalur nga akademia e KF Prishtinës, hapat e parë të karrierës së tij , ai, i kishte bërë po në skuadrën kryeqytetase. Përveç Prishtinës, futbollisti më i ri i Gjilanit, karrierë kishte bërë edhe në disa skuadra tjera në Kosovë dhe jashtë saj, ku vlenë të ceket aventura e tijë në klubin korçar, KF Skënderbeu. Kelmendi i cili pozitën e tij në fushë e luan si sulmues, në edicionin e fundit kishte luajtur për skuadrën e Flamurtarit, ku ka zhvilluar 24 takime, duke realizuar 10 gola dhe dhuruar një asistim për ish-bashkëlojtarët e tij në ekipin kuq e zi nga Prishtina. Futbollisti më i ri i Gjilanit, sot ka nënshkruar kontratë, të cilin do ta mbajë atë si pjesë e skuadrës kuq e bardh në dy vitet e ardhshme”./rajonipress/