Zyrtare: Portieri Enea Koliqi përfundimisht i SC Gjilanit

Zyrtarët e SC Gjilanit përfundimisht kanë arritur ti sigurojnë shërbimet e portierit Enea Koliqit, për dy vitet e ardhshme.

Lajmi për transferimin e Koliqit, është publikuar në faqen zyrtare të klubit të Gjilanit në ‘facebook’.

Ndër të tjera, në postimin e SC Gjilan, thuhet:

Gjilani ka arritur ti sigurojë shërbimet e portierit me përvojë të madhe, Enea Koliçi.

Ditën e sotme, portieri nga Pogradrci, Enea Koliçi ka nënshkruar kontratë që do ta mbajë atë për dy vitet e ardhshme si futbollist të Gjilanit.

Koliçi, prapa vetes ka mjaftë përvojë të madhe ku si futbollist kishte “siguruar” portat e shumë skuadrave nga Greqia dhe Shqipëria.

Karrierën e tijë si futbollist, Koliçi, e nisi në Iraklis në Greqi, ku përpos skuadrës së lartcekur ai kishte bërë paraqitje edhe me disa ekipe tjera greke si ajo e Olympiacos Volos, kurse në Shqipëri, Koliçi, kishte luajtur për ekipet e Flamurtarit, Kukësit e Skëndërbeut të Korçës.

Prezantimi i futbollistit të ri të skuadrës kuq e bardh në fanelen e Gjilanit, do të bëhet gjatë ditëve në vijim./rajonipress/