Zyrtare: Milaim Zuzaku zëvëndëson Ismet Munishin

Gjilan – Krerët e Dritës kanë reaguar menjëherë pas suspendimit të Ismet Munishit, pas skandalit të publikuar të videos në rrjetet sociale. Menjëherë pas ndeshjes me Prishtinën, zyrtarët e Dritës kanë bërë zyrtare trajnerin e ri të tyre Milaim Zuzaku.

Skuadra e Dritës kurrsesi të rehatohet me trajnerët e saj, në këtë edicion të garave deri më tani ka ndërruar tre trajner Sedat Pajazitin, Amir Aliagiqin dhe të suspenduarin Ismet Munishin.

Zuzaku ish futbollist i kësaj skuadre për një kohë të gjatë, është hera e tret që merr pankinën e Dritës në momentet më të vështira të saj, për herë të fundit Zuzaku në pankinën e Dritës ishte në vitin 2013.

Milaim Zuzaku edhe pse ishte në pankinën e Dritës në ballafaqim me Prishtinën ndeshjen e drejtuan Afrim Shahini dhe Shefket Sërmaxhaj.

Vetë Zuzaku ka bërë të ditur rikthimin e tij tek “bardh e kaltërtit” e Dritës.
“Është vërtet se nga java e 25-të do ta drejtoj skuadrën e Dritës, kemi arritur marrëveshje me kryesin e klubit dhe për këtë jam i lumtur, e di se do të na pret një punë shumë e vështirë por unë kam besim në këta futbollista dhe në kryesin e klubit, së bashku do t`i arrijmë synimet të cilat i kemi para sfidave të ardhshme”./sylejman ismajli/rajonipress/