Zyrtare: Lirim Kastrati bëhet me klub të ri, kalon te MOL Fehervar

Lojtari i Përfaqësueses së Kosovës, Lirim Kastrati do të vazhdojë karrierën tek klubi hungarez, MOL Fehervar.

Kastrati te Fehervari është prezantuar këtë të hënën dhe ka nënshkruar kontratë deri në qershorin e vitit 2025.

Ai te Fehervari është transferuar nga Legia e Varshavës, ku nuk arriti të tregojë vlerat e tij.

Kastrati do ta bartë fanellën me numrin 10 te klubi i ri.

“Në bazë të marrëveshjes mes Legia dhe klubit tonë të hënën, Lirim Kastrati do të vazhdojë karrierën te Fehervari”, thuhet në njoftimin e klubit hungarez.

Kastrati pas formës jo të mirë e kishte humbur edhe ftesën e Kosovës në ndeshjet e fundit. /Telegrafi/