Zyrtare: Leart Paçarada, lojtar i ri i FC Heidenheim
RajoniPress
14:39, 28 Gusht, 2025
| 11 muaj më parë
FC Heidenheim 1846 ka njoftuar zyrtarisht se ka nënshkruar me mbrojtësin kosovar, Leart Paçarada, i cili transferohet nga FC Koln.
Paçarada ka vendosur të ndryshoj ambient, por jo edhe kampionat, pasi do të mbetet pjesë e Bundesligës.
Mbrojtësi i Dardanëve ka kompletuar sot (e enjte) gjatë ditës transferimin te Heidenheim dhe njoftimi është bërë nga faqet zyrtare të klubit.
“1. FC Heidenheim 1846 ka nënshkruar me mbrojtësin e majtë Leart Paçarada nga rivalët e Bundesligës 1. FC Köln”.
“Reprezentuesi 30-vjeçar i Kosovës nënshkroi një kontratë me FCH të enjten deri në verën e vitit 2027”, thuhet në njoftimin e klubit gjerman.
Ndryshe, Paçarada te FC Heidenheim 1846 do të takojë edhe dy lojtarë tjerë me prejardhje shqiptar, Arijon Ibrahimovic dhe Diant Ramaj. /Telegrafi/
