Zyrtare: Kryeziu lojtar i Zurichut
RajoniPress
18:08, 31 Maj, 2018
Mesfushori nga Kosova, Hekuran Kryeziu është bërë me skuadër të re. Anëtari i Përfaqësueses së Kosovës ka ndërruar skuadër por jo edhe kampionat.
Pasi u largua nga Luzerni si futbollist i lirë, Kryeziu karrierën do ta vazhdoj tek gjiganti zviceran Zurich.
Fituesit e Kupës së Zvicrës, kanë fituar garën për të nënshkruar me Kryeziun me skuadrat e tjera zvicerane dhe evropiane.
Kryeziu ka nënshkruar kontratë me Zurichun deri në qershor të vitit 2021.
25-vjeçari ka qenë pjesë e Luzernit që nga viti 2004 duke kaluar nëpër të gjitha kategoritë.
Ai edicionin e kaluar në shumë ndeshje ka udhëhequr Luzernin edhe si kapiten i ekipit.
Me transferimin e Kryeziut, Zurichu bënë me shenj se vitin e ardhshëm pritet të jetë konkurrent për titullin e kampionit në Zvicër.
Skuadra bardh e kaltër në edicionin e ri do të luaj në Grupet e Ligës së Evropës. /Telegrafi/
