Zyrtare: Kosovës i bashkohet edhe një tjetër futbollist

Arbër Zeneli është futbollisti i radhës që i bashkohet Kombëtares së Kosovës. Kosova ka marrë një tjetër lajm të mirë, pasi supertalenti Arbër Zeneli ka lënë Suedinë për t’iu bashkuar Kombëtares së Kosovës.

Lajmi është konfirmuar nga menaxheri i Kombëtares së Kosovës, Bajram Shala, i cili Arbrin e përshkruan si një lojtar të jashtëzakonshëm.

“Kosova vazhdon projektin e saj, krijimin e ekipit për të tashmen dhe për të ardhmen!

Futbollisti i radhës që i bashkohet Kosovës është talenti Arber Zeneli!

Edhe pse i ri, Arbri llogaritet si një lojtar i jashtëzakonshme, ka qenë pjesë e ekipeve të reja të Suedisë deri në U-21, është pjesë e rëndësishme e klubit holandez Heerenveen!

Arbri është 21 vjeç do të jetë pjesë e një gjenerate të jashtëzakonshme qe po vije te Kosova”, ka shkruar Shala në Facebook. /Express/