Zyrtare: Kjo është e ardhmja e Behramit

Babai i Valon Behramit, Ragipi ka thënë se djali i tij do të qëndrojë në Watford edhe edicionin e ardhshëm.

“Valoni ka kontratë edhe dy vite me Watfordin. Ai do të qëndrojë në Watford dhe nuk do të largohet. Arsyeja është se trajner i skuadrës angleze pritet të bëhet Walter Mazzari, në të kundërtën nuk do të qëndronte”, është shprehur Ragipi për Infokusi.com.

I pyetur për lëndimin që e ka pësuar Behrami, ai ka thënë se nuk bëhet fjalë për ndonjë lëndim të rëndë.

“Nuk bëhet fjalë për lëndim të rëndë. Valoni tashmë e ka kaluar lëndimin dhe ai do të jetë i gatshëm për Kampionatin Evropian të futbollit dhe do të mundohet të jap gjithçka nga vetja për Zvicrën”.

Sa i përket Kosovës, Ragip Behrami e ka përsëritur se pas Evropianit, të gjithë që duan të luajnë për Kosovën do të deklarohen, e po ashtu edhe Valoni. /Express/