Zyrtare: Florian Kamberi rikthehet në kampionatin zviceran, nënshkruan me St Gallen

Ka marrë fund paqartësia rreth të ardhmes së sulmuesit shqiptar Florian Kamberi.

Pas një eksperience dy vjeçare në futbollin skocez me skuadrat si Hibernian dhe Rangers (i huazuar gjashtë muajt e fundit), Kamberi është rikthyer përsëri në Zvicër.

Është befasia më e këndshme e këtij edicioni në Zvicër, St Gallen që ka fituar garën për Kamberin.

25-vjeçari ka nënshkruar një kontratë tri vjeçare me St Gallen, por shuma e këtij transferimi nuk është bërë publike.

Kamberi te St Gallen do ta zëvendësojë sulmuesin kryesor Cederic Itten i cili ka kompletuar transferimin te gjiganti skocez Glasgow Rangers.

Për Kamberin ky është një rikthim në futbollin zviceran, pasi më parë ishte pjesë e Grasshopperit.

Reprezentuesi i Kombëtares së Shqipërisë ka një aventurë edhe në Bundesliga 2, kur për një vit kishte veshur fanellën e Karsluher.

Kujtojmë që Kamberi me skuadrën e tij të re St Gallen do të luajnë në grupet e Ligës së Evropës për edicionin e ardhshëm. /Telegrafi/