Zyrtare: Federata e Hendbollit e Kosovës vendos datën e vazhdimit të garave

RajoniPress 21:47, 19 Maj, 2020

/ 3 minuta lexim

Bordi i Federatës së Hendbollit të Kosovës ka vendosur që skuadrat të rifillojnë stërvitjet nga fillimi i qershorit, kurse garat të fillojnë nga 13\14 qershori.

Bordi ka vendosur që kampionati 2019\2020 të vazhdojë, ndërsa janë përcaktuar edhe terminet bazë për përfundim të edicionit. Të kujtojmë̈ që edicioni është ndërprerë në muajin mars për shkak të paraqitjes së koronavirusit, njofton FHK.

Në Superligën e meshkujve janë zhvilluar 18 xhiro, pra pjesa e rregullt. Ndërkohë Bordi i Federatës sonë ka vendosur që skuadrat të kthehen në stërvitje në fillim të qershorit, kurse prej 13\14 qershorit të nis plejofi. Në plejof garojnë katër skuadrat e para në tabelë, Besa Famgas, Prishtina, Trepça e Kastrioti.

Më 13\14 qershor luhen gjysmëfinalet e para, ndërsa gjysmëfinalet e dyta janë më 17 e 18 qershor. Në gjysmëfinale takohen Besa Famgas me Kastriotin dhe Prishtina me Trepçën. Nëse rezultati është 1:1, shikohet goldallimi mes dy skuadrave, ndërsa nëse edhe goldallimi është i njëjtë luhen vazhdimet nga pesë minuta apo shtatëmetërshat, në bazë të rregullave të hendbollit.

Finalja luhet deri në dy fitore, apo deri sa njëra skuadër t’i mbledhë tri pikë. Pra mund të luhen tri ndeshje, kurse terminet janë 20\21 qershor, 24\25 qershor, 27\28 qershor.

Në Superligën e femrave katër skuadra kanë pikë të barabarta, Istogu, Vushtrria, Prishtina e Ferizaj. Me short do të përcaktohen çiftet gjysmëfinale. Në gjysmëfinale luhen dy ndeshje, njëjtë si në finale, kurse në rast të rezultatit të barabartë (1:1) shikohet goldallimi dhe më pas eventualisht luhen vazhdimet nga pesë minuta apo ekzekutimi i shtatëmetërshave sipas rregullave te lojës se hendbollit.

Nga Superliga largohen skuadrat e pozitës së fundit (në të dy konkurrencat) kurse skuadra e parafundit luan me të dytin e Ligës së Parë në barazh. I pari i Ligës së Parë (në të dy konkurrencat) kalon në Superligë, ndërsa për bazë merret tabela aktuale.

Në Superligën e kadeteve ka mbetur të zhvillohen dy ndeshje (Samadrexha – Prishtina, Istogu – Prishtina) për të përcaktuar kampionin. Te kadetët kampioni është përcaktuar tashmë.

Turneu final i Kupës së Republikës së Kosovës do të zhvillohet në fund të qershorit, në të dy konkurrencat.

Bordi i Federatës ka vendosur t’u dal skuadrave në ndihmë duke mbuluar shpenzimet e personave zyrtarë për ndeshjet e mbetura. Ndërkohë në edicionin e ardhshëm skuadrat do të lirohen nga kotizimi. Bordi i FHK-së njëzëri ka bërë thirrje që të respektohet vendimi i Qeverisë nga MKRS për përkrahje të sportit pas krizës së krijuar nga paraqitja e koronavirusit, për t’i ndihmuar klubet./rajonipress/

Zyrtare: Federata e Hendbollit e Kosovës vendos datën e vazhdimit të garave

Mund të ju interesoj:

Fantastike! Mirlind Daku në listën e top-golashënuesve në futbollin evropian

Kandidati për Ligën Premier shfaq interes konkret për Anis Mehmetin, Bristol City rrezikon ta humbasë

“Krenar që kam veshur fanellën e Kosovës, kemi gjasa reale për Botëror”, ish-kapiteni Anel Rashkaj flet para duelit me Sllovakinë

Zyrtare: Besnik Hasi emërohet trajner i klubit elitar turk