Zyrtare: Eros Grezda rikthehet te Zalaegerszeg

Eros Grezda do të vazhdojë karrierën në Hungari, pasi e ka kompletuar transferimin te Zalaegerszeg.

Përmes një njoftimi në faqen e tyre zyrtare, klubi hungarez bëri të ditur se sulmuesi i Shqipërisë u është bashkuar atyre si lojtar i lirë.

Ai kishte ndërprerë kontratën javë më parë me skuadrën turke, Manisa, aty ku luajti tetë ndeshje, ndërsa vetëm një ishte si shartues.

Grezda kishte luajtur edhe më parë për Zalaegerszeg, ku kishte luajtur për gjysmë viti, në edicionin 2021/22.

27-vjeçari ka nënshkruar për një vit e gjysmë, ndërsa drejtori sportiv i klubit Attila Dragoner u shpreh i lumtur për afrimin e lojtarit të kombëtares së Shqipërisë, për të cilin beson shumë se do e ndihmojë ekipin me eksperiencën e tij, ndërsa veçoi se shpreson që në këtë aventurë të dytë të lojtarit, ai të ambientohet sa më parë, për të dhënë kontributin e tij.

Grezda ka zhvilluar 13 ndeshje me fanellën e Shqipërisë, ndërsa e ka shënuar një herë, e që në rast se rikthehet në formën e lartë te klubi hungarez, mund ta ndihmojë edhe në kombëtare. /Telegrafi/

Shpërndaje.
© RAJONIPRESS