Zyrtare: Challandes trajner i ri i Kosovës

Bernard Challandes është emëruar trajner i ri i Kombëtares së Kosovës në futboll, kjo u bë e ditur të premten në një konferencë për media të Federatës së Futbollit të Kosovës (FFK).

Challandes, i cili ka drejtuar shumë klube të njohura në Zvicër, si Zurich, Young Boys apo Sion, në nivel kombëtaresh ka qenë trajneri i Armenisë në vitet 2014 dhe 2015 dhe u shkarkua nga detyra pas humbjes në Elbasan Arena me rezultatin 2-1 pikërisht ndaj Shqipërisë që në atë periudhë drejtohej nga Gianni De Biasi, transmeton Express.