Zyrtare: Bernard Berisha nënshkruan me Dinamo Cityn e Ilir Dajës

Dinamo City ka zyrtarizuar afrimin më të ri në skuadër, duke nënshkruar me sulmuesin kosovar Bernard Berisha.

Berisha, i cili ka përfaqësuar Kombëtaren e Kosovës dhe ka luajtur për disa vite në kampionatin rus, njihet si një lojtar me shpejtësi, teknikë dhe vizion të theksuar në fushë.

Ai nuk është i panjohur për futbollin shqiptar, pasi më herët ka mbrojtur ngjyrat e Besës dhe Skënderbeut, duke lënë gjurmë në Superligën shqiptare.