Zyrtare: Baseli transferon një tjetër shqiptar, i bashkohet Zhegrovës, Xhakës e Ajetit

Kemal Ademi sezonin e ardhshëm do ta veshë fanellën e Baselit. 23-vjeçari ka nënshkruar kontratë 4-vjeçare me klubin ku aktivizohen; Zhegrova, Xhaka e Ajeti.

Baseli ka konfirmuar se ka siguruar shërbimet e sulmuesit shqiptar, Kemal Ademi, i cili është prezantuar tashmë te klubi ku luajnë tre shqiptarë: Edon Zhegrova, Taulant Xhaka e Albian Ajeti, raporton Gazeta Express.

Ademi Shkëlqeu me 10 gola në edicionin e fundit në Superligën e Zvicrrë me Xamaxin, duke e bindur Baselin për ta afruar në radhët e veta.

Baseli ka bërë të ditur se lojtari ka nënshkruar kontratë 4-vjeçare.

“Jemi të lumtur t’ju njoftojmë për transferimin e Kemal Ademi. 23-vjeçari na bashkohet nga Xamax dhe ka nënshkruar kontratë 4-vjeçare”, thuhet në njoftimin e Baselit në “Twitter”.

Sulmuesi 23-vjeçar i lindur në Gjermani me prejardhje nga Kosova, më parë ka qenë pjesë e skuadrës së dytë te Hoffenheimit.

Ademi deri më tani nuk ka luajtur as një ndeshje me ndonjë Kombëtare, çka do të thotë se Baseli mund të jetë rruga e tij për t’u afruar te Kosova në të ardhmen. /Gazeta Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).