Zyrtare: Astrit Selmani transferohet te Hammarby

Futbollisti shqiptar, Astrit Selmani është transferuar te skuadra e Hammarbyt, shkruan “Zeri.info”.

Selmani ishte pjesë e Varbergs para se të transferohet te Hammarby dhe ka qenë figurë e rëndësishme ku ka shënuar 27 gola në 49 ndeshje.

Trajneri Joakim Persson i ka uruar fat futbollistit shqiptar, derisa ka thënë se do të jetë e vështirë të zëvendësohet një lojtar si ai.

“Unë i uroj Astritit fat të madh në Hammarby, do të na mungojë aq shumë si futbollist dhe cilësitë unike që ai zotëron, si brenda ashtu edhe jashtë fushës. Ai sigurisht që do të jetë i vështirë për t’u zëvendësuar, por është një mënyrë mjaft e natyrshme për të bërë, duke pasur parasysh atë që ai ka ofruar në sezonin e fundit, është e natyrshme që të bëhet një transferim. Prandaj, ne i urojmë fat” deklaroi ai.

Kujtojmë se Hammarby, skuadra e re e Selmanit është në pronësi të sulmuesit të Milanit, Zlatan Ibrahimoviqit. /Zeri.info