Zyrtare: Adnan Januzaj nuk ftohet nga Belgjika për Kampionatin Evropian të kësaj vere

Adnan Januzaj nuk është ftuar në ekipin kombëtar të Belgjikës për Kampionatin Evropian 2020, që do të mbahet muajin e ardhshëm.

Megjithatë, sulmuesi i Real Sociedadit me prejardhje nga Kosova Januzaj është lënë në listën e gatishmërisë nga trajneri Roberto Martinez, raporton Gazeta Express.

Ai mund të ftohet në turneun e verës që nis më 11 qershor, në rast se ndonjëri prej sulmuesve të ftuar detyrohet të tërhiqet nga ekipi.

Januzaj, i cili e zgjodhi Belgjikën para Shqipërisë dhe Kosovës, dështoi t’ia dalë ta zërë një vend në ekipin kombëtar belg për kampionatin e dytë radhazi evropian, pasi nuk ishte ftuar as në Euro 2016.

26-vjeçari, megjithatë, e përfaqësoi Belgjikën dy herë në Kupën e Botës, më 2014 dhe 2018, duke e shënuar një gol.

Martinezi i fitoi shtatë sulmues, Eden Hazard, Romelu Lukau, Jeremy Doku, Dries Mertens, Leandro Trossard, Mitschi Batushayi dhe Christian Benteke.

Por për dallim nga Hazard, Januzaj ka qenë shumë më aktiv në La Liga këtë sezon.

Anësori i lindur në Bruksel nga prindër shqiptarë, i bëri 26 paraqitje në La Liga për Sociedadin këtë sezon, duke i shënuar katër gola dhe duke i dhuruar katër asiste. /Gazeta Express/