Zyrapi: Të japin përgjegjësi manipuluesit e listës së veteranëve

Problemet me listat e veteranëve kanë ardhur për shkak të egoizmit dhe bajraktarizmave, të atyre që nuk kanë lejuar bashkëpunim dhe koordinim më mirë për ta realizuar një proces të drejtë. Kështu ka deklaruar në intervistën dhënë “Kohës Ditore” ish- shefi i Shtabit të Përgjithshëm të UÇK-së, Bislim Zyrapi.

Me gjithë dëshirën për të kontribuuar në këtë proces, Zyrapi ka thënë të mos jetë pyetur për periudhën dhe evidencat që do të mund t’i ofronte ai sa ka qenë pjesë e Shtabit.

Sipas Zyrapit, “tollovia” me lista ka ardhur edhe për shkak të mangësive që ka Ligji për veteranët e luftës. Nga ajo që ai mban mend, të angazhuar në strukturat e UÇK-së kanë qenë afro 17 mijë pjesëtarë.