Zyra për Preshevë pa kompetenca dhe pa përkrahje

Gjilan – Zyra për Preshevë është pothuajse jofunksionale si rrjedhoje e disa faktorëve dhe si e tillë në të duhet intervenuar me urgjencë. Në zyrë që nga themelimi i saj nuk është investuar asgjë, pos një mini aktivitet me vlerë prej 250 euro. Nuk është investuar as në nevojat e saj fizike, si: furnizim me karrige, me material harxhues etj. Ka 3 vjet që është funksionalizuar dhe që ende nuk është bërë përzgjedhja e stafit të saj ka thënë Mefail Jonuzi anëtar i Kuvendit nga Lëvizja Qytetare “Vatra”.

Jonuzi ka thënë se kjo zyre po mbahet me një punëtor me kontratë në vepër, ku është shumë e vështir të punohet, pasiqë nevojat e saj i mbulon vetë punëtori me rrogën e tij, e të cilën duke qenë me kontratë në vepër e merr me vonesa të mëdha, dhe si rezultat i kësaj gjendje kjo zyre është po thuajse e dalë nga funksioni.

Si mos të mjaftonte gjithë kjo gjendje e mospërkrahjes, kjo zyre u dëmtua edhe me një vendim skandaloz të ish ministri të brendshëm z.Skender Hyseni, I cili me një urdhër ndaloi pajisjen me letërnjoftime të përkohshme të Luginasve që nuk kanë dokumente valide nga Serbia, e kjo bëri që me qindra qytetarë të mbesin pa letërnjoftime dhe pa identitet. Është urgjente që të intervenohet në këtë zyre dhe t`i jepen kompetenca më të mëdha, sepse në të kundërt, nuk ka nevojë si e tillë të funksionojë, pasiqë, edhe nëse, akademikë të vendosen në drejtimin e saj, zor se mund të tregonin ndonjë rezultat ka thënë Jonuzi./rajonipress/