Zymberi: Solidariteti po vazhdon nga bashkatdhetarët tanë në Gjilan

Gjilan – Me këtë rast drejtori i Qendrës për Punë Sociale në Gjilan, Mursel Zymberi ka njoftuar se sot bashkatdhetari ynë Faik Bunjaku, nga fshati Livoç i Epërm së bashku me vajzën e tij Lindita Bunjaku – Hasani, kanë ndihmuar me pako ushqimore katër familje me gjendje të rëndë ekonomiko – sociale.

Bashkatdhetarët tanë të cilët punojnë dhe jetojnë në botën e jashtme, përditë e më shumë po ndihmojnë familjet me gjendje të rëndë ekonomike dhe sociale në Komunën e Gjilanit duke nisur nga mbështetja në ushqim veshmbathje e deri edhe te rastet e ndërtimit të shtëpive.

Me këtë rast drejtori i Qendrës për Punë Sociale në Gjilan, Mursel Zymberi ka njoftuar se sot bashkatdhetari ynë Faik Bunjaku, nga fshati Livoç i Epërm së bashku me vajzën e tij Lindita Bunjaku – Hasani, kanë ndihmuar me pako ushqimore katër familje me gjendje të rëndë ekonomiko – sociale.

“Faik Bunjaku së bashku me vajzën e tij Linditën, për çdo vit kanë ndihmuar familjet me gjendje të rëndë ekonomiko – sociale në forma të ndryshme. Edhe këtë vit donatori i cili është nga Livoçi i Epërm e i cili punon dhe vepron në Gjermani, ka ndihmuar katër familje me pako ushqimore e cila përmban produkte ushqimore dhe sanitare për ta kaluar këto familje një muaj pa asnjë problem”, ka thënë Zymberi./rajonipress/