Zvicra heton invalidët mashtrues

Nga të gjitha shtetet e rajonit, Zvicra ka përzgjedhur Kosovën për një pilot projekt të hetimit të pensionistëve të rrejshëm invalidor. Nga gjashtë raste të hetuara, një ka dalë të jetë pensionist i rrejshëm invalidor.

Zyrtarët zviceranë nuk ia tregojnë identitetin, por shpjegojnë se atij personi, pensioni i është bllokuar dhe të njëjtit i është kërkuar kthimi i parave. Numri i madh i shtetasve të huaj që kanë punuar në Zvicër, por pensionin e shfrytëzojnë në vendet e origjinës, nuk e ka penguar shumë shtetin e pasur helvetik.

Megjithatë, dyshimet se shumë prej këtyre pensionistëve kanë mashtruar autoritetet zvicerane, duke e përfituar e shfrytëzuar pensionin e parakohshëm invalidor, ka shtyrë Zvicrën të veprojë..(Tribuna).