Zvicra fton ‘pesëshen’ shqiptare

Përzgjedhësi i Përfaqësueses së Zvicrës, Ottmar Hitzfeld, ka shpallur listën e futbollistëve të ftuar për dy ndeshjet e radhës kualifikuese për Kupën e Botës ‘Brazili 2014’. Si zakonisht, Hitzfeld ka ftuar pesë futbollistët shqiptarë: Xherdan Shaqirin, Granit Xhakën, Valon Behramin, Admir Mehmedin dhe Blerim Xhemajlin.

Zvicra do të luaj kundër Norvegjisë në Bern më 12 tetor, para se të udhëtoj drejt Reykjavikut për tu takuar me Islandën, katër ditë më vonë.

Të kujtojmë se Xhaka dhe Shaqiri kanë shënuar nga një gol në dy takimet e para të zviceranëve në dy ndeshjet e para kualifikuese të zhvilluara ndaj Sllovenisë dhe Shqipërisë.