Zviceranet të forta për Dritën

Gjilan – Volejbollistet e Dritës në ndeshjen për CEV Cup nuk arritën t`ju bëjnë ballë volejbollisteve nga Zvicra VFM Franches-Montagnes e cila dëshmoi edhe në ndeshjen e dytë se janë më të mira së volejbollistet e Dritës.

Në këtë ndeshje ndërkombëtare volejbollistet e Dritës dhanë gjithçka nga vetja për rezultat të favorshëm por mysafiret të prirura nga Busquets Reyes Florencia Natasha, Edelman Nicole e Kronenberg Linda nuk lejuan që të ndodhë befasi.

Mysafiret gjatë tri setave treguan lojë agresive në rrjetë në pasime dhe në organizim të lojës duke ju shkaktuar vështirësi vashave të Dritës.

Në setin e parë mysafiret arritën të ngadhënjejnë me rezultat 12-25, ndërsa në setin e dytë volejbollistet e Dritës edhe pse humbën zhvilluan një set të mirë, mysafiret arritën të barazojnë tek në rezultatin 13-13 dhe përfunduan në mënyrë të tyre 22-25, në setin e tretë mysafiret plotësisht mbizotëruan në parket duke e përmbyllur më rezultat 12 -25.

Organizimi i ndeshjes ishte jashtëzakonisht në nivel të lartë duke dëshmuar se kur duam mundemi ti befasojmë ndërkombëtarët ndërsa edhe njëherë Shërbimi Policor i Gjilanit e kreu punën e saj siç është më së miri.

Ndeshjen në Palestrën Sportive “Bashkim Selishta”-Petriti e përcollën rreth 600 shikues.

Drita – Richardson, Asani, Dushica, Syla, Shabani, Jaha, Kadriu, Leka, Mehmeti, Orgtega, Ilazi, Hyseni.

Franches: Montagnes- Rothenbuehler, Buchëalder, Gerber, Edelman, Squyers, Vuilleumier, LiSciarini, Rebetez, Kronenberg, Castiglione, Zaloznik, Busquetes, Li Donze

Gjyqëtar: Chavadar Mareu (Bul), Iskra,Zidaniq-Orloviq (Cro)./sylejman ismajli/rajonipress/