Zviceranët në panik, thonë se shqiptarët duan t’ua vjedhin Kemal Ademin

Kemal Ademi është emri më i përfolur i ditëve të fundit në Zvicër.

23 vjeçari, këtë verë nga Neuchâtel Xamax i është bashkuar Baselit, dhe do të udhëheq fazën e sulmit te kjo skuadër, pas largimit të Albian Ajetit në drejtim të West Hamit.

Ademi, me shtatë të lartë dhe me një të ardhme të ndritur, shihet si potencial si për Baselin, ashtu edhe për vendin që do të përfaqësojë.

Agjenti i lojtarit, Renato Cedrola, ka konfirmuar se lojtari ka marrë ftesë nga Kosova për grumbullimin e radhës në shtator.

“Ata kanë ftuar Kemalin për ndeshjet e radhës ndërkombëtare, duan ta bindin që të ndërrojë kombëtare”, ka thënë agjenti i lojtarit për ‘Blick’, përcjell lajmi.net.