Zvicër: 12 vjet burgim për vrasje me thikë

Kryetari i Gjykatës theksoi se kosovari kishte treguar “një pamëshirshmëri mjaft spektakulare”, duke dhënë gjithsej tetë therje me thikë.

Dje albifno.ch pati shkruar për rastin e kosovarit që kishte goditur me thikë për vdekje një baba Cape verdian në vitin 2004, në Vevey (VD). Të enjten ai u dënua me dymbëdhjetë vjet burgim. Gjykata konstatoi se faji i tij ishte “i rëndë, shumë i rëndë”.

I vendosur jashtëzakonisht në Renens (VD), Gjykata Penale e Vaud-it Lindor mbajti akuzat për vrasje dhe tentim vrasje. Kryetari i Gjykatës theksoi se kosovari kishte treguar “një pamëshirshmëri mjaft spektakulare”, duke dhënë gjithsej tetë therje me thikë.

Siç pati raportuar albinfo.ch edhe më herët, vrasësi në fjalë është një kosovar 35-vjeçar, i cili theri me thikë për vdekje “Nono”, një baba 26-vjeçar si dhe qenin (pitbull) e tij, derisa shokun e tij e kishte therur në shpinë. Ngjarja pati ndodhur në mes të ditës në qendër të Vevey-s, gjatë një përleshjeje të dhunshme.

Duhet theksuar se rrethanat e tragjedisë janë të paqarta. Gjykata, për shembull, nuk arriti të dijë se kush e kishte nisur dhe shkaktuar këtë grindje të dhunshme. Ajo ka mbajtur parasysh që takimi ka qenë i rastësishëm dhe se secili nga të pranishmit nxituan përleshjen, njofton albinfo.ch. Ajo gjithashtu arriti në përfundimin se arma e vrasjes, një thikë, i përkiste të akuzuarit.

http://www.albinfo.ch/zvicer-12-vjet-burgim-per-vrasje-me-thike/