Zukorliq kërkon nga kryeministrja serbe hapjen e kufirit Miratoc – Llojan

Deputeti Muamer Zukorliq nga Sanxhaku në Kuvendin e Serbisë ka kërkuar nga kryeministrja serbe Ana Brnabiq hapjen e pikave kufitare Miratoc Llojan mes Serbisë dhe Maqedonisë, por edhe një pikë tjetër kufitare që lidh Sopotin e Maqedonisë me Luginën e Preshevës, informon INA.

Myftiu i Sanxhakut ka thënë se këto pika kufitare duhet të hapen pasi që banorët e të dyja zonave kufitare po hasin në vështirësi. Zukorliq këto pyetje i ka parashtruar në Kuvendin e Serbisë, në seancën deputetët pyesin Qeverinë Kryeministrja Brnabiq premtoi se do ti kthej përgjigje me shkrim ku do të njoftohen edhe opinioni se ku qëndron problemi i këtyre pikave kufitare. Vlen të theksohet se kësaj iniciative i ka dhënë përkushtim edhe kryetari aktual i komunës së Preshevës Shqiprim Arifi. (INA) Myftiu nga Novi Pazari ka pasur mbështetje nga votuesit shqiptare të Luginës së Preshevës në zgjedhje parlamentare në vitit 2016.

https://www.facebook.com/muamer.muftijazukorlic1