Zmbrapsen veteranët

Veteranët e Ushtrisë Çlirimtare të Kosovës (UÇK) janë zmbrapsur nga tentimi për të hyrë në objektet e Qeverisë së Kosovës, pasi që Komisioni Qeveritar për Verifikimin e Veteranëve u ka premtuar se javën e ardhshme do të bëhen publike të gjitha listat e tyre.

Pikërisht mospublikimi i këtyre listave dhe manipulimi i tyre bën që qindra veteranë të dalin në rrugë duke protestuar para Qeverisë së Kosovës për të kërkuar një përfundim dhe verifikim sa më të shpejtë të tyre.

Të mbledhur në sheshin “Zahir Pajaziti”, veteranët u nisen drejt ndërtesës së Qeverisë për të kërkuar të drejtat e tyre. Gjendja e protestës nuk vonoi shumë dhe doli jashtë kontrollit.

Protestuesit hynë në oborrin e Qeverisë duke kërkuar përgjigje nga zyrtarët kompetentë për verifikim dhe njohje të statusit të tyre./zeri/