Zjarri shpërthen në banesën pesëkatëshe, dëmet llogariten të konsiderueshme

Gjilan – Të mërkurën rreth orës 21:20 Policia e Kosovës në Gjilan ka pranuar një informatë se një zjarr i fuqishëm ka shpërthyer në një banesë në Rrugën “Esat Berisha” këtu në Gjilan.

Nga hetimet e para në vendin e ngjarjes mësohet se zjarri kishte shpërthyer në një banesë në “katin e V”, të një blloku banesash. Njësitet reaguese kanë dalë me urgjencë në vendin e ngjarjes po ashtu edhe njësiti i zjarrfikësve të cilët kanë arritë ta lokalizojnë zjarrin.

Po ashtu është bërë evakuimi i qytetarëve. Në banesë në momentin kur ka ndodhë rasti, s`ka qenë askush. Është intervistuar pronarja e banesës shqiptare shtetase e Kosovës, fatmirësisht askush nuk është lënduar, gjersa dëmet llogariten të jenë të konsiderueshme. Vendi i ngjarjes është proceduar nga Krim teknika, po ashtu është kontaktuar prokurori i shtetit. Rasti vazhdon të hetohet njoftoj policia e Kosovës.

Është folur gjithmonë se banesat kolektive të sektorit privat kanë pasiguri të jashtëzakonshme për çka flet edhe ky rast. Andaj qytetar kujdes ku bleni banesë. /rajonipress/