Zjarrfikësit vitias trajnohen në Ujman, përgatitje në situata emergjente në mjedise ujore

Viti – Ne si Njësia e Zjarrfikësve dhe Shpëtimit në Viti, do t’i qëndrojmë gjithmonë besnikë qytetarëve të Kosovës, në çdo situatë që kërkon ndihmën dhe ndërhyrjen tonë. Me gatishmëri të plotë dhe profesionalizëm, jemi të vendosur të mbrojmë dhe ruajmë çdo pëllëmbë të territorit të Republikës së Kosovës, duke vepruar me nder dhe përgjegjësi të lartë ka shkruar Hetem Jakupi komandant i njësisë së zjarrfikësve në Viti.

Ekipi i NJPZSH në Viti mori pjesë në trajnimin praktik “Kërkim-Shpëtim me barkë në ujë (KSH)”, të mbajtur në Qendrën Kombëtare për Trajnim në Fushën e Kërkimit-Shpëtimit në ujë në Ujman.

Hetem Jakupi ka thënë se ky trajnim shërbeu për forcimin e kapaciteteve operacionale të zjarrfikësve dhe përgatitjen tonë në situata emergjente në mjedise ujore.

“Përkushtimi ynë është i palëkundur! Ne si Njësia e Zjarrfikësve dhe Shpëtimit në Viti, do t’i qëndrojmë gjithmonë besnikë qytetarëve të Kosovës, në çdo situatë që kërkon ndihmën dhe ndërhyrjen tonë. Me gatishmëri të plotë dhe profesionalizëm, jemi të vendosur të mbrojmë dhe ruajmë çdo pëllëmbë të territorit të Republikës së Kosovës, duke vepruar me nder dhe përgjegjësi të lartë. Kudo që na kërkon detyra ne jemi aty ka shkruar komandanti i NJPZSH në Viti, Hetem Jakupi dhe ekipi i zjarrfikësve të Vitisë./rajonipress/