Zjarrëvënie në Sllakovc e Livoq i Ultë

Gjilan – Policia e Kosovës Stacioni Policor në Gjilan është njoftuar nga Ankuesi Shqiptar Shtetas i Kosovës i cili ka raportuar se nga persona të panjohur është ndezur një zjarr i cili është përhapur në plantacionin e ankuesit, ku edhe janë shkaktuar dëme të konsiderueshme materiale duke djegur pemët e mbjella si dhe janë dëmtuar edhe së paku tri shtylla elektrike.

Njësitet policore kanë dal ne vendin e ngjarjes, zjarrfikësit po ashtu kanë dalë në vendin e ngjarjes dhe e kanë lokalizuar zjarrin. Është njoftuar prokurori, rasti procedohet për hetime të mëtejme.

Policia e Kosovës, Operativa Rajonale e Gjilanit është njoftuar përmes telefonit për një rast të “Shkaktimit të Rrezikut të Përgjithshëm”, “Zjarr”, i cili rast kishte ndodhur në fshatin Livoq i Ultë.

Rastit iu janë përgjigjur Njësia e Hetimeve Rajonale si dhe Krim Teknika. Krim Teknika Rajonale ka bërë procedimin e vendit të ngjarjes. Nga hetimet e para dyshohet se një zjarr i fuqishëm kishte ardhur nga ndezja e djerrinave (barit të thatë) ku dyshohet se zjarri kishte dalë nga kontrolli duke përfshirë një objekt afarist me shumë makineri për përpunimin e plastikës.

Sipas ankuesit vlera e dëmit të shkaktuar në Objektin e tyre është e konsiderueshme. Nga ky incident fatmirësisht përveç dëmeve materiale nuk ka të lënduar.

Në vendin e ngjarjes kanë dalë edhe hetuesit e zjarrit. Në lidhje me rastin është njoftuar Prokurori i shtetit nga Prokuroria Themelore për Krime të rënda. Rasti është duke u hetuar nga hetuesit rajonal njoftoj Ismet Hashani./rajonipress/