Viti – EVSB u bënë thirrje qytetarëve të jenë të përgjegjshëm dhe të kujdesshëm, dhe mos të ndezin zjarre, sepse po e dëmtojmë edhe at pak pasuri natyrore që na ka mbetur.
Të dielën në orët e hershme të mëngjesit rreth orës 7:00, është vërejtur një zjarrvënje në malet që gjenden mbi fshatin Ramjanë, afër rrugës kryesore që shpie për në fshatin Sllakovcë.
Fotoja është bërë nga EVSB, me një largësi 4 kilometra.
Edhe përkundër takimeve të shumta që janë mbajtur kundër zjarrvënjeve gjatë muajit të kaluar, si nga EVSB, PK, dhe më pas është mbajtur takim i përbashkët me gjithë akterët, organizuar nga institucionet Komunale, zjarret prapë po na përsëriten.
Pasi që zjarri vërehej se po zgjerohet edhe më tej, EVSB në ora 8:50, njoftoj njësitin e zjarrfiksave në Viti, të cilët shumë shpejt ju përgjigjen ftesës së EVSB-së, dolën në vendngjarje dhe mbas 4-5, orëve arritën ta shuajnë zjarrin.
EVSB, falënderon njësitin e zjarrfiksave të Komunës së Vitisë, për përkushtimin dhe punën e tyre të pa lodhshme.
EVSB u bënë thirrje qytetarëve të jenë të përgjegjshëm dhe të kujdesshëm, dhe mos të dhezin zjarre, sepse po e dëmtojmë edhe at pak pasuri natyrore që na ka mbetur. Kërkojmë nga organet përkatëse dhe institucioneve Komunale që dukurit e tilla të ndalohen njëherë e përgjithmonë thuhet në reagimin e koordinatorit të EVSB-së, për Komunën e Vitisë, Imri Emërllahu./rajonipress/
