Zinnbauer pret sinjalin e Behramit

Trajneri i Hamburgut, Joe Zinnbauer, pret që mesfushori kosovar, Valon Behrami, t’ia konfirmojë nëse mund të luaj në ndeshjen kundër Borussia Dortmundit.Ndeshja ndërmjet Hamburgut e Dortmundit zhvillohet të shtunën në kuadër të xhiros së 24-t të Bundesligës gjermane. “Nëse Valoni më jep sinjalin se mund të luaj nga fillimi, atëherë do të luaj”, ka thënë Zinnbauer për “Bild”.

Por, mesfushori kosovar, nuk është i sigurt nëse do të mund ta ndihmojë në këtë ndeshje skuadrën e vet. Për këtë do të marrë vendim të premten.

Behrami 29-vjeçar pak javë më parë u kthye në stërvitjet e skuadrës gjermane, pas një operimi në gju.

“Do të jetë vështirë. Të premten do ta njoftojë trajnerin”, ka thënë Behrami.

Reprezentuesi kosovar i Zvicrës vlerësohet lider i skuadrës së Hamburgut. Ai këtë edicion në Bundesligë ka zhvilluar 16 paraqitje.

© KOHA.net