Jorge Maciel ka konfirmuar se Edon Zhegrova nuk do të mund të paraqitet për Lille në ndeshjen e së shtunës, kundër Marseilles.
Më 6 maj, reprezentuesi i Kosovës kishte pësuar një lëndim muskulor në ndeshjen ndaj Reims, teksa kishte humbur pastaj edhe ndeshjen ndaj Monacos, shkruan Gazeta Express.
Maciel, ndihmëstrajneri i Paulo Fonseca, u paraqit sot në konferencën për media, ku mes tjerash konfirmoi edhe mungesën e Zhegrovës.
Për këtë ndeshje te Lille do të mungojnë edhe Jose Fonte e Alexsandro Ribeiro, për shkak të suspendimeve me kartonë.
“Les Dogues” janë duke luftuar për një vend që i siguron pjesëmarrjen në garat evropiane sezonin tjetër.
Momentalisht, Lille është në pozitën e pestë në tabelën e Ligue 1, pozitë e cila ia mundëson pjesëmarrjen në kualifikimet e Ligës së Konferencës. /Gazeta Express/
