Zhduket një person në Gjilan, Policia ka nisur hetimet për zbardhjen e rastit

Gjilan – Policia e Kosovës është duke hetuar një rast të personit të zhdukur, pasi një grua ka raportuar se bashkëshorti i saj është larguar nga shtëpia dhe nuk dihet vendndodhja e tij.

Sipas raportit policor, rasti ka ndodhur në rrugën “Nëna Terezë” në Gjilan, ku, sipas ankueses, bashkëshorti i saj është larguar nga shtëpia më 5 korrik 2026, rreth orës 17:00, ndërsa zhdukja është raportuar në Polici më 7 korrik 2026.

Lidhur me rastin është njoftuar edhe prokurori kompetent, ndërsa njësitet policore kanë ndërmarrë veprimet e nevojshme hetimore për lokalizimin e personit dhe sqarimin e rrethanave të zhdukjes.

Policia nuk ka bërë të ditur identitetin e personit të raportuar si i zhdukur, ndërsa hetimet për rastin janë në vazhdim./rajonipress/