Zhbogar: Urime Kosovë, izolimit i erdhi fundi

Përfaqësuesi i BE-së në Kosovë, Samuel Zhbogar ka thënë se është shumë i lumtur me propozimin për liberalizimin e vizave për Kosovën.

Ai ka thënë se tani kosovarët nuk do të jenë të izoluar më. Madje ai ka treguar edhe proceduar se kur ky vendim do të hyjë në fuqii./Zeri.

“Ditë e madhe për Kosovën. Ditë që të kujtohet gjithmonë. Nga dita e parë që kam ardhur këtu, kam marrë gjithmonë pyetjeten e njëjtë. Kur do të ndodhë liberalizimi i vizave? Gjithmonë kam thënë se do të vij shpejt.

Prandaj jam i lumtur që jam këtu në një ditë kaq të rëndësishme për Kosovën, Komisioni Evropian ka propozuar Parlamentit dhe Këshillit Evropian për të hequr vizat për Kosovën.

E uroj Qeverinë dhe Kuvendin për punën e madhe që kanë bërë për të punuar shumë që të përmbushin rekomandimet për vizat.

Njëkohësisht edhe Qeveria, shoqëria civile e institucione tjera duhet të jen krenar për këtë projekt shumë të rëndësishëm. Ky është një rrugëtim që e kemi bërë së bashku. Për ta bërë Kosovën një vend më të mirë.

Procedura tani është e tillë që do të kërkoj nga Parlamenti Evropian që të votohet për të. Shpresojmë që kjo të ndodhë sa më shpejt që është e mundur. Parlamenti Evropian dhe Këshilli do të marrin vendim së bashku, para se kjo marrëveshje të hyjë në fuqi. Vendimi i sotëm nga Komisioni Evropian është për të mirën e Kosovës. Kjo tregon se BE kujdeset për Kosovën dhe perspektivën e tyre. Izolimi i Kosovës po vjen drejt fundit”, ka përfunduar Zhbogar./Zeri./